瞹眛？究竟佢係咪中意我？

Chanwing480

（長文）我地係同一間大學同一科，但唔同year，佢大我兩年。我地有一科咁岩一齊讀，開頭大家唔識，但feel到佢有留意到我。佢識我一個男仔fd,所以有時會行埋黎打招呼，但我地始終冇交接。到一次比賽，我見到佢，覺得佢好sporty,又好有風度（佢唔小心將波扔到一個女仔，其實係hi度姐，就微笑咁講sorry），樣又唔差，跟住就覺得佢好charm，我開始中意佢。佢落場時，雖然我地坐係隔離，但都冇乜交流，只係吹左幾句。 我臨走前膽粗粗問佢叫咩名，佢都問返我，跟住就say bye。

另一次，落堂之後，我同個男仔fd仲有兩個女仔fd一齊去食tea,佢黎搵我個男仔fd,於是好自然咁一齊同行去食。跟住我地傾左好耐，我個時遇到一d困難，佢比左好多意見我。跟住就叫我地去睇佢比賽。夜晚佢fb inbox打左段字同我加油，之後幾日又keep住問我件事嘅發展。到件事完結，佢fb問我拎whatsapp。跟住就開始晚晚wts。

佢本身係talkative嘅人，會同好多人傾計。佢講左好多佢的事比我聽，如佢屋企人點，佢的經歷。佢都問左關於我好多野，如興趣，食物口味，又問我屋企d野，又share佢中意的歌比我…冇幾耐仲約我去睇戲（佢請）。睇完就叫我一齊去食野，傾左好多野。之後仲約左一次。跟住就約我去library做功課溫書。我去左一兩次。又有約lunch,我推左。佢會教我學習上嘅野，佢會摸我個頭，從後雙手搭我膊頭，又會有意無意坐個時掂到我大脾。佢又會讚我件3靚，讚我性格等。講過好多瞹眛的話，如成日叫我陪佢去呢度個度，又話可以煮野比我食，整野比我，叫我睇佢比賽，又話可以去佢宿瞓。我d fd都話佢想追我，但我唔確信，我覺得佢可能當我係朋友或者佢有對其他女仔都係咁。

我地keep住晚晚whatsapp一個月。每次都係佢主動。因為我係被動的人，但我一定會覆佢。但過左一個月，而家考試期，我地都好忙。近排少左好多wts,甚至有一兩日stop左。我就好down,又有d生氣，成日望住部機睇佢有冇搵我。佢隔兩日會問我點呀…我就淨係覆佢幾隻字，又stop左。我都唔會再搵佢。我唔知佢諗乜，我知佢忙，但如果緊我，就算忙都可以同我wts下架，幾句都好。開頭佢都幾aggressive,但而家就好少搵我，唔知係真忙定點，我唔知佢諗緊咩，對我係點，係咪中意我，佢忽冷忽熱咁，我好掙扎…

多謝sis睇咁長…各位sis覺得佢係點諗，同埋我應該點做？主動wts佢，但又怕佢忙…佢有暗示過Christmas一個人好寂寞，但我答佢我慣左一個人…但其實我心裡面好想佢約我Christmas出街…而家我可以點？等過左考試再睇下點？但我成日諗起佢，唉，好煩…

嵐孩子

老實講，如果人地之前約你出街睇戲，都有兩人私人相處時間，佢做咁多主動，你都無特別表現得鐘意佢之類，佢有機會以為唔得，慢慢就做少咗之前嘅野了。
被動還被動，人地揾你先揾佢，佢好自然會諗自己係咪自作多情，其實人地對自己無feel。
有時唔好依賴咁wtsapp，直接傾電話仲好。

fronalee

你真係鍾意人地既，就要主動啲啦~機會係要爭取㗎~~
你米問他溫書溫成點吖，加油啊呢啲囉，唔好無疾而終啊~~

SakuraB

都約得你出街睇戲都吾會話冇機會架 或者可能人地都覺得你忽冷忽熱以為自己冇機啦

qqmuimui

sis 有時唔可以太被動 如果你係鍾意佢 你可以試下主動搵佢 !! 佢忙都好 至少你有關心下佢嘛 !! 另外 你christmas 想佢約你 你不如試下搵個地方 話你想去 睇下佢會唔會約你 !!

dizzyfizhh

你又唔主動搵人又淨係覆人幾隻字。。。仲嬲人唔搵你? 可能人地以為冇樹開始放棄了。幸福係自己爭取嫁唔係你係到等等等等就有。

dizzyfizhh

dizzyfizhh 發表於 2015-12-7 15:38
你又唔主動搵人又淨係覆人幾隻字。。。仲嬲人唔搵你? 可能人地以為冇樹開始放棄了。幸福係自己爭取嫁唔係你係到等等等等就有。

冇機*

Taurus_man

其實中意咪出聲囉 講到尾都係面子問題 驚魚姐嘛

Kiki12312

做人真係要主動d, 我做便利店pt識左一個客同佢傾計時勁開心, 佢個様,性格完全係我鐘意果type,雖然知道無可能, 但好想同佢做fd, 点知今年年中佢有個朋友, 忽然問我拎contract, 果時覺得怪所以無比, 但諗返可能今本就係個男仔想要.....佢今年開左學之後就再無黎la, 希望只係學校太忙唔黎la 唔好係搬左屋就得TT

依家sis有個今好既機會一定要爭取, 唔好好似我咁到時後悔

Nighthawks

Taurus_man 發表於 2015-12-7 16:59
其實中意咪出聲囉 講到尾都係面子問題 驚魚姐嘛

x2

Chanwing480

Taurus_man 發表於 2015-12-7 16:59
其實中意咪出聲囉 講到尾都係面子問題 驚魚姐嘛

我唔肯定佢點諗，我驚我講左，但佢唔中意我，第時連fd都冇得做

Chanwing480

laim 發表於 2015-12-8 1:24
做人真係要主動d, 我做便利店pt識左一個客同佢傾計時勁開心, 佢個様,性格完全係我鐘意果type,雖然知道無可能, 但好想同佢做fd, 点知今年年中佢有個朋友, 忽然問我拎contract, 果時覺得怪所以無比, 但諗返可能今本就係個男仔想要.....佢今年開左學之後就再無黎la, 希望只係學校太忙唔黎la 唔好係搬左屋就得TT

依家sis有個今好既機會一定要爭取, 唔好好似我咁到時後悔

我都唔想後悔呀…我中意佢先 冇諗過佢又會有feedback比我, 之前一直暗戀第二個都冇結果…希望你心上人會返黎搵你haha

Taurus_man

Chanwing480 發表於 2015-12-8 04:35
Taurus_man 發表於 2015-12-7 16:59
其實中意咪出聲囉 講到尾都係面子問題 驚魚姐嘛
x2

機會就係身邊 你唔把握 佢走會走
出手就有50% 你連粒波都唔肯射出去 又點會入呢 咁當然你都可以"等"佢射入波既
不過 等等下 到時可能佢射入既 唔係你粒波

紫～桐

就咁睇你表面對佢太冷淡啦，人地向前行左咁多步你一步都唔行仲係咁縮，對方以為自己冇機咪收手囉，你而家主動啲關心下人啦，就算將來唔得你都叫盡左力呀，唔好等到蘇州過後冇艇搭先黎後悔呀

波板糖=]

既然對人有意思……又點可能關哂後門答：

我慣左一個人！？

我係佢聽到都縮啦！女人真係好口不對心
我係女人都唔幫你……係你既回應話佢知無機所以先會咁！唔想後悔唔該主動返少少！到時佢有新女友咪喊

非法改裝嬰兒車

Chanwing480 發表於 2015-12-8 04:34
我唔肯定佢點諗，我驚我講左，但佢唔中意我，第時連fd都冇得做

船頭驚鬼船尾驚賊就係你呢種

情場唔適合呢種人打滾
你可以返屋企飲奶啦
PS:請準備排定公屋,上樓之時就係你姑婆屋入伙之日XDDDDD

dizzyfizhh

Chanwing480 發表於 2015-12-8 4:34
引用:

Taurus_man 發表於 2015-12-7 16:59
其實中意咪出聲囉 講到尾都係面子問題 驚魚姐嘛


我唔肯定佢點諗，我驚我講左，但佢唔中意我，第時連fd都冇得做

其實唔係話叫你去表白, 係你應該俾返啲signal個男仔俾佢知道你係對佢有好感, 佢有機。建議盡量唔好再講啲完全違心嘅說話, 例如佢話聖誕節好寂寞, 如果你當時回應佢"我都係呀 好悶冇人陪" 咁佢下一句好可能就係約你出去。 要俾暗示嫁你明唔明? 唔好防得咁實自然個男仔就會搵位入。

Laulau_chu

你太被動啦！咁人地原本對你有意思都會變無啦！試下主動小小啦

RizKK

人地講到咁妳又推，佢覺得無機會啦。試吓主動d囉，等佢知道唔係咁大家先有機會行前一步㗎

Periperaaa

其實點解要嬲對方？你會唔會太被動呀？人地已經俾左咁多提示你 你都係主動一下有乜所謂 冇損失囉我覺得
你都識講佢忙點解仲要對人冷淡？機會就係咁輕易流走㗎喇
主動同人講下多d野俾返希望人先啦