識得做家務係結婚既第一個條件?

exitway

我想知而家d男人係咪一心想搵個大工人返屋企照顧佢就算
點解身邊個男人都話要搵個識做家務既女人做老婆
唔通男人天生就係唔可以做家務, 一定要女人做先得?

非法改裝嬰兒車

或者車車的要求比較高,但也不外乎三樣
入得廚房
出得廳堂
上得大床

只是第一點達標的人不少,但到了第二點,已經一個不剩,所以車車仲未結得成婚XDDDD

NancyWong

唔識可以學，但如果學都唔肯學就差d

Candy糖貓kat

兩個人住，男人永遠覺得我比家用你，家務當然女人做啦。但我覺得如果雙方都要返工，家用係比我買餸買日常用品，我煮我洗無問題，但男人都要分擔下，洗衫掠初基本野，除非每月比左份糧我，我又唔駛返工，做哂實無問題架。

Karly_siu

佢地懶姐
家務唔係你做就佢做，做家務果時成身汗，成面油，唔會有男人淨係鍾意見到女人咁嘅樣呱
再唔係可能睇得太多漫畫，憧憬個個女人做家務個樣都好可愛面紅紅，仲會拎住掃把跑去門口同你講"歡迎回來"

Soul_Mate

其實冇可能唔識做家務喎

new.MS.吉川

Errr...其實人人都應該識做家務，尤其女仔！始終香港都係中國人社會，男主外，女主內，無可能樣樣平等，除非你擔起養家角色，你老公主理家務，Are u ok?

誰人又相信一世一生這膚淺對白

咁其實家務唔會唔識做嘅。。係肯唔肯做咖姐。。。講真當你遇到個真係好愛嘅，唔識都會林辦法啦。。
林到佢返到嚟間屋乾乾淨淨，一入門口你就撲埋去嗌老公返嚟喇?成枱送等梗佢仲有愛心靚湯，我係女人都冧啦。。。雖則無可能日日如是，但回憶就是這樣製造的。。
利申:我做過，成件事係令人感到幸福的

BrandyTheBengal

Soul_Mate 發表於 2015-10-23 02:21
佢地懶姐
家務唔係你做就佢做，做家務果時成身汗，成面油，唔會有男人淨係鍾意見到女人咁嘅樣呱
再唔係可能睇得太多漫畫，憧憬個個女人做家務個樣都好可愛面紅紅，仲會拎住掃把跑去門口同你講"歡迎回來"

我冇問喎 放工返黎有人搞掂家頭細務仲有飯食，乜都唔駛做淨係返工 正喎 問題係啲男人唔肯

e2tyro

非法改裝嬰兒車 發表於 2015-10-22 20:52
或者車車的要求比較高,但也不外乎三樣
入得廚房
出得廳堂

其實尼個社會得返1)3)啦. 除非佢可以做FTM, 份家用比得上佢人工, 咁先可以外加尼個要求.

婚前自然是公主, 乜都bf做哂. 婚後有小朋友自然是工人姐姐做.

啲人成日話香港女仔性冷感, 但我覺得會煮飯的絕對更罕有law.

如 花

Candy糖貓kat 發表於 2015-10-22 21:20
兩個人住，男人永遠覺得我比家用你，家務當然女人做啦。但我覺得如果雙方都要返工，家用係比我買餸買日常用品，我煮我洗無問題，但男人都要分擔下，洗衫掠初基本野，除非每月比左份糧我，我又唔駛返工，做哂實無問題架。

完全認同

Manchor

我係個會做家務嘅女仔，真係有好多男仔因為咁而加分。。但我成日話呢個係$80個鐘(鐘點價)可以滿足倒嘅野。。但啲男仔就係enjoy 俾自己女朋友服侍。

lamblamb9413

咁呢個人唔係要老婆，係工人或者佢媽媽

Greenrain

識做同會唔會做係兩回事，唔識做既突然家中工人放假呀有人病咗呀就大獲，水都唔識煲煮個麵炒隻蛋都話唔識你話點算？？！！

yahappy

女仔又要出去工作,又要返屋企做家務,其實都幾辛苦,大家份糧又差不多,都未必請到工人la, 男仔一齊幫下手都好合理ar

熱香餅

我覺得冇人會"唔識"做家務, 問題係你做唔做架姐~
不過老實講, 我唔識煮野食 (煮個面果d當然冇問題)
我又唔覺得女人唔識煮野食有咩大問題, 咪我老公煮囉
兩個人一齊生活, 總係要大家去分擔, 冇可能要求女人又要識搵錢又要返屋企洗衫煮飯~

twinker_bell

我覺得女仔點都要識做下d家務...不過唔係話男既就唔洗做, 每人幫下手打理好間屋, 其實都幾溫馨幾有情趣呀～

Cold Collin

其實好簡單，識做家務代表某程度上識得管理自己住既地，係個人修養既一部份。男又好女又好，都應該要識做家務

Miyo

new.MS.吉川 發表於 2015-10-22 11:28
其實冇可能唔識做家務喎

如果佢養我 我唔駛做 梗係冇問題啦
但如果兩公婆都要返工 咁家務都應該分擔下呀～

Lavenderinlove

我係會做家務既女仔，同埋會久唔久清潔自己間房，相反我男朋友連佢自己間房都勁厚塵，佢完全覺得唔使打理，去過一次覺得好恐怖。

調反轉，我好擔心將來同佢既生活，我可以主導做做家務個個，但同一個完全無打理自己既地方既知覺都無既人一齊我會好驚！