Mimi 吾知點決定 請各位sis幫下手

Heixxx

我男朋友係一個好鍾意睇女仔身材既人 就算朋友既女朋友 佢都會講 我自問我上半身身材係0 平時都會串我細阿個啲 不過我都算數 試過有一次同佢啲朋友出去 佢將我同佢啲朋友既女朋友比 叫我甘細就吾好學人著呢啲緊身衫 無野比人睇..其實成日聽到呢啲 都會好吾開心 加上我都算係一個自卑既女仔
今日佢突然間話朋友搞船P 叫我一齊去 我知道佢個個朋友既女朋友都有波又有樣 佢地之前成班女仔出去都會又著三點式係甘影影影 又post上IG 我同佢講話到時個個又係度鬥show身材 佢自己就話一班朋友去玩姐 無唸過呢啲 但講真 我留意左佢啲朋友甘耐 好多相都係啲三點式 比我感覺就係鍾意show 但我無講出口 因為佢好吾鍾意我話佢啲朋友 甘佢都表明就算我吾去佢都一定會去架啦 亦都迫我要快啲決定 各位sis 覺得我去吾去好 我真係決定吾到想聽下意見...

血象牙

唔想就唔去，仲有，成日品評女性身材係咩事？好煩

vvyy^^

唔止唔去，直頭應該分手啦

優依

你去唔去都影響唔到佢，只係你自己想唔想去，去就比較。。唔去就亂諗野

ariesbgirl

你男朋友雖然成日話你，但佢都依然係你身邊，證明佢唔係真係介意
自信並不源自身材，同埋大波唔一定好睇
唔開心，唔鐘意，就唔好去
無謂自己唔開心又佢又難受

Heixxx

優依 發表於 2015-8-17 02:14
你去唔去都影響唔到佢，只係你自己想唔想去，去就比較。。唔去就亂諗野

的確去同吾去都會吾開心甘

CallMeAnn

點解唔坦白D 同佢講下你感受呢？ 可能佢明白左之後會改呢？
但又如果佢覺得自己冇問題，咁就唔係你去唔去船河嘅問題， 而係你應唔應該仲同呢個男人一齊嘅問題！
男人係鍾意品評女人身材，可以理解，正如女人都鍾意睇靚仔一樣！
但當住咁多人面去比較各自女朋友嘅身材，甚至踩你踩到咁有， 呢D 叫賤！ 要不得！

Heixxx

CallMeAnn 發表於 2015-8-17 05:43
點解唔坦白D 同佢講下你感受呢？ 可能佢明白左之後會改呢？
但又如果佢覺得自己冇問題，咁就唔係你去唔去船河嘅問題， 而係你應唔應該仲同呢個男人一齊嘅問題！
男人係鍾意品評女人身材，可以理解，正如女人都鍾意睇靚仔一樣！
但當住咁多人面去比較各自女朋友嘅身材，甚至踩你踩到咁有， 呢D 叫賤！ 要不得！

佢知我係一個自卑既女仔 佢口講過吾覺啲朋友個個都正過我 但我係有自知之明 次次我認真鬧返佢轉頭 佢每次都吾認自己有話我 話邊度有甘樣話過我 話我有被害妄想症 甘佢都吾係當面話 佢係對住我講姐..但我淨係可以肯定佢真係好鍾意成日講呢個大波果個大波 我成日聽到呢啲其實真心覺得好煩 甘鍾意咪自己溝件 吾明點解女朋友你自己揀 揀完又成日有呢啲說話聽

poey121314

其實因為你自卑，所以先覺得佢地去船p show 身材遮，加上你男友咁講野法。。。但諗真d,  佢明明掛在口邊講大波但最後都揀左你，你一定有你吸引佢之處， 佢唔係下下睇身材做人的，比番d 信心啦。
班女鬥咪由佢地， 你無需要同佢地一般見識，你想去便去， 唔想去就咪去， 無人逼到你

babeblue -*

你覺得辛苦就吾好去囉...
去到盞自己又吾開心...
d女去船p, 想show身材是正常不過的事...
如果你介意, 你就同你男朋友講囉

ShermanKong

去左唔開心 就唔好去啦
唔好要自己咁辛苦

ManMango

Chanyxx 發表於 2015-8-17 06:02
CallMeAnn 發表於 2015-8-17 05:43
點解唔坦白D 同佢講下你感受呢？ 可能佢明白左之後會改呢？
但又如果佢覺得自己冇問題，咁就唔係你去唔去船河嘅問題， 而係你應唔應該仲同呢個男人一齊嘅問題！
男人係鍾意品評女人身材，可以理解，正如女人都鍾意睇靚仔一樣！
但當住咁多人面去比較各自女朋友嘅身材，甚至踩你踩到咁有， 呢D 叫賤！ 要不得！
佢知我係一個自卑既女仔 佢口講過吾覺啲朋友個個都正過我 但我係有自知之明 次次我認真鬧返佢轉頭 佢每次都吾認自己有話我 話邊度有甘樣話過我 話我有被害妄想症 甘佢都吾係當面話 佢係對住我講姐..但我淨係可以肯定佢真係好鍾意成日講呢個大波果個大波 我成日聽到呢啲其實真心覺得好煩 甘鍾意咪自己溝件 吾明點解女朋友你自己揀 揀完又成日有呢啲說話聽

男人個個都鐘意大波嘎啦…我問我老公佢都直接話係嘎，咁我自問都唔係好身材，就係得個瘦…咪一樣過咗十年~其實佢唔係嫌棄你嘅！不過你自己諗啦，如果去嘅話就放開啲，如果唔得嘅咪唔去囖~

sea姐

我贊成樓上講，幾乎個個男仔都鍾意大波加長腿，但係就算另一半無都唔等於佢嫌棄身邊果個。就好似女仔都鍾意睇靚仔，但係睇吓，唔等於身邊果個係靚仔

樓主要過得開心就要諗吓點去改變自己，變得有自信！不過始終人比人，比死人，唔好比較活出自己先係最好

sliver ,,

你男朋友咁中意將你同人比         
我會講清楚 你再講我會好嬲 你咪話返佢 唔通你個到細 我下下話你細 你有咩感受呀  
有時有d野天生架  我相信你地一齊佢都知你係0 囉  船p我會去 我會著防哂衣 包到實一實個d 唔係話有無 關係 我係唔想哂到一達達黑色 佢d朋友 咁大波咪比佢地慢慢哂囉。I don't fuc*ing care   

cscsyiii

唔去你自己開心d,唔好去啦

Holly Cow

去船P....通常都係著工點式架WO...唔關show 唔show身材事....
我自己冇胸都照著...

Mem0ry:.

你同佢講你仲咁比 你去溝個件
睇下佢點
人比人比死人呀大佬
唔通要比埋j長j粗
同鬼佬比

lamlam bb

我都係咁 我自問樣ok 都高（17x）有腰有腳 但就無咩波 ⋯  男友同佢班朋友都成日講笑話我平。我初初都勁介意 之後我都會話 係呀咁又點？ 你有胸肌 腹肌咩？
其實最緊要有自信 有波又不一完靚 都不一定有腰 有腳個個人都不會完美
如果去可以選擇荷葉邊/soso的泳衣我平時都係咁

Kakabubu

揀套靚靜泳衣，上身再加件薄Tee，若隱若現～ 俾啲信心自己，唔係為其他人，而係為自己。小胸其實不是大問題，最重要您有自信。NuBra您要試試用，令泳衣睇落豐滿啲，又唔易走位。

Kakabubu

看看圖的效果就知道，很多女孩子都在用。
泳衣要試上身才知好不好，選可愛一點的也可以。
其實我都不太愛船P，要曬太陽著泳衣我會揀去沙灘。去得船P又會預左有啲朋友既朋友，男男女女....又唔係好熟......