唉!!! 真係好想發洩!!!!

chansweet

如果be有家事版你話幾好..

我有個細我一年既細佬,我同佢關係一向好飄忽
好果陣好好, 但由細到大都係佢惡過我



直至佢識左而家呢個女朋友
個女仔三不五時就鼠上黎訓, 無錯, 係「鼠」
通常零晨, 等成家訓哂就會出現

我媽媽都反對個女仔係度訓, 但講真閂埋房門鬼知咩
之後總之一個禮拜總有1,2次, 總之襯冇人係屋企就上黎
可以成晚唔出黎
我自己就好憎有個外人係度, 我真係試過隔住個房門係咁鬧
「冇黎家教, 有屋企唔返, 明知媽咪唔鐘意都硬格黎」

點解閂埋房門我都知? 因為我同細佬間房幅牆中間係有個窿
share一部冷氣! 佢地有咩聲我都聽得一清二楚
甚至我會發惡夢....

我有同細佬好認真傾過, 傾果下佢好理智架
之後我冇辦法既情況下默許左所謂既一個禮拜一次
但我心入面仲好唔開心, 我每晚返屋企都係度諗佢係唔係度
我細佬一閂埋房門就我就不停疑神疑鬼


有諗過搬出黎住 我有能力住到套房而已
但唔捨得媽媽 (媽媽有少少精神病)
同埋3,4年前搬屋, 我將所有錢都擺哂落搬屋到
唔想認輸.... 真係好難過....

多謝你地睇哂.. 打左出黎個人都覺得舒服d

(已修改過, 怕俾熟人見到 SORRY)

優依

帶女朋友有咩問題??

第時佢地結婚都係度住架啦

Karu

唉, 又係呢D topic.  真是無奈的topic.

樓主你想想:
- 如果佢地係結左婚, 你係唔係會(無奈地)接受個女仔?

如果係, 你不如當係佢地結左婚啦.

你放開D啦.....  唔好因為咁影響到自己.


其他會去人地家過夜的, 男又好, 女又好, 請考慮一下同住人的感受.

chansweet

優依 發表於 2015-6-22 14:40
帶女朋友有咩問題??

第時佢地結婚都係度住架啦

如果成家人都唔介意我覺得冇問題啊~
但如果人地一個四口, 有兩個都講到明唔鐘意
咁都冇問題咩?

個女仔明知我地唔鐘意都要鼠上黎都冇問題咩?

唔鐘意有外人就係唔鐘意~ 我諗唔需要有強烈理由吧...

chansweet

Karu 發表於 2015-6-22 14:45
唉, 又係呢D topic.  真是無奈的topic.

樓主你想想:

如果佢地真係結左婚, 我再唔鐘意個女仔
佢都唔算係外人, 我諗我會接受得多~

而家一諗起就好唔開心 我已經好努力去放鬆
但一次比一次難受... 唉

btw thanks sis~

Karu

優依 發表於 2015-6-22 14:40
帶女朋友有咩問題??

第時佢地結婚都係度住架啦

咁你會唔會同男友回你自己家過夜啦?

優依

2比2。。無得講。。

佢影響到你d咩，佢都係房入面唔出來

佢唔係同你拍拖，唔需要理你，你地唔鐘意係你既事。。

佢唔鼠，光明正大出入，你都唔鐘意，鼠入咪算係咁啦，唔駛面阻阻

返唔返屋企，同係男友屋企訓兩回事，和家教無關，而家咩年代??

你咁樣鬧人都唔見得有家教囉

你自己唔帶男友上來係你既事

優依

Karu 發表於 2015-6-22 14:50
引用:

優依 發表於 2015-6-22 14:40
帶女朋友有咩問題??

第時佢地結婚都係度住架啦


咁你會唔會同男友回你自己家過夜啦?

我細佬都會帶女友上來訓

chansweet

優依 發表於 2015-6-22 14:59
2比2。。無得講。。

佢影響到你d咩，佢都係房入面唔出來

因為一開始我已經同佢地講明係度食飯睇電視無問題
但夜啦就返屋企 好正常吧

大家係一家人, 如果成家同意當然冇問題

媽媽家姐唔鐘意, 甚至討厭都覺得唔關自己事咩?

一家人間屋係一齊住, 唔係你閂埋房門出面咩都可以唔理

咁即係佢帶成班朋友返黎入房開party都冇問題?

你去男朋友屋企訓係你既事, 我唔鐘意我細佬帶女仔返黎係我既事

優依

你既事就唔好post係度啦

食古不化

就算成班人係度訓佢間房唔嘈到其他人，你都無得嘈

一係報警囉，咁唔鐘意

優依

唔通打開房門出面就可以理咩

優依

又要post又要睇岩心水野，唔岩心水又話唔關人事，接受唔到就返自己間房返自己世界

香港唔係地少租貴，無地方住駛咩咁做??

chansweet

優依 發表於 2015-6-22 15:18
你既事就唔好post係度啦

食古不化

就係因為我同佢房中間係有一個窿, 所以佢騷擾到我

我已經講明左, 我係默許左一個禮拜一次

唔該姐姐仔你睇清楚先

你自己唔介意咁樣, 唔代表人地唔介意

我係屋主之一, 個女仔超越左我底線

我已經屈係個心度默許左呢件事, 都要俾你批鬥?

be你開架? 發洩下得罪你?

我有見過你reply, 知你會係男朋友度訓 (希望冇記錯)

我冇話過係男朋友度訓=冇家教

而係人地屋企人已經反對, 都仲要格硬黎

唔知邊度踩親你條尾, 撩交嗌既就悉隨尊便

chansweet

優依 發表於 2015-6-22 15:22
又要post又要睇岩心水野，唔岩心水又話唔關人事，接受唔到就返自己間房返自己世界

香港唔係地少租貴，無地 ...

係因為你第一個reply話:「你自己唔帶男友上來係你既事」

我尊重我父母, 我媽媽唔鐘意
所以我一直唔會咁做

而家係我媽媽都出到聲, 我細佬同個女仔一樣照扮傻

即係你覺得有外人唔尊重自己父母冇問題?

唔明你出發點係咩

我冇唔接受你意見, 似乎係你冇睇清楚一味批鬥

chansweet

你既回覆就係

1. 佢唔係同你拍拖，唔需要理你
(我根本唔在意佢同咩人拍拖, 在意既係佢唔尊重我父母同我既感受)

2.你自己唔帶男友上來係你既事
(樓上已回)

3. 你咁樣鬧人都唔見得有家教囉
(我話冇家教唔係因為女仔去男朋友度訓
而係因為佢已經跳過我父母既意願!!)

4. 你既事就唔好post係度啦
食古不化

5. 接受唔到就返自己間房返自己世界


呢d係你既「意見」? 你咁樣鬧我法我要接受?
唔係呀嘛

Imericagg

樓主：你做家姐真係好唔通氣。樓主無錯，但唔通氣吧～

1:樓主是外嫁女，遲早嫁出去，都無樓主既事啦，好話唔好聽真係忍埋一、两年貨仔。

2:樓主細佬娶老婆，到時要生仔，實要在家交歡，有聲... 都好正常。憎個女仔真係無咩用，始終樓主細佬鐘意，都要接受。佢女朋友無用你野咪算咯～

3: 我唔明樓主點解禁憎個女仔？唔夜晚黎樓主屋企，唔通日光日白上黎比成家大大聲鬧咩？一陣日頭上你屋企食飯，實比人話痴餐、飳米大蟲。

其實，樓主細佬大個要成家立室，樓主同家人都要有心理準備屋企多個成員，而唔係煽風點火撥樓主爸媽一齊憎個女仔。作為家姐真係好唔通氣、唔識做。樓主，你既無奈，我地好難完全理解得曬的，都希望你可以早點解懷笑對人生～ 加油呀！

優依

你記錯人嚕。

有個窿咪封左佢囉，無冷氣咪唔會上來囉

一係趕佢地走，一係接受

鬧到佢地分手囉，咁咪唔會再發生

你有無真正了解過個女仔點解成日上來??
係咪你自己細佬要求??

優依

Imericagg 發表於 2015-6-22 15:50
樓主：你做家姐真係好唔通氣。樓主無錯，但唔通氣吧～

1:樓主是外嫁女，遲早嫁出去，都無樓主既事啦，好話唔好聽真係忍埋一、两年貨仔。

2:樓主細佬娶老婆，到時要生仔，實要在家交歡，有聲... 都好正常。憎個女仔真係無咩用，始終樓主細佬鐘意，都要接受。佢女朋友無用你野咪算咯～

3: 我唔明樓主點解禁憎個女仔？唔夜晚黎樓主屋企，唔通日光日白上黎比成家大大聲鬧咩？一陣日頭上你屋企食飯，實比人話痴餐、飳米大蟲。

其實，樓主細佬大個要成家立室，樓主同家人都要有心理準備屋企多個成員，而唔係煽風點火撥樓主爸媽一齊憎個女仔。作為家姐真係好唔通氣、唔識做。樓主，你既無奈，我地好難完全理解得曬的，都希望你可以早點解懷笑對人生～ 加油呀！

樓主只係話個女唔尊重佢屋企人，同埋有個窿影響到佢囉

rakatsufumi

追埋POST樓主嬲到火紅火綠都聽唔入架啦~純發洩JE
相信個女仔都冇鎖匙自己上來掛...
實情係點大家成年人都知架啦。
又或者樓主反應太硬令人有反叛心理來多D...
點都好~呢D野真係好難避免GE...怪曬個女仔有DD唔公平。
互相尊重來講,佢地都盡量唔同你碰面啦,
不能太霸道呢~睇開D吧。

chansweet

Imericagg 發表於 2015-6-22 15:50
樓主：你做家姐真係好唔通氣。樓主無錯，但唔通氣吧～

1:樓主是外嫁女，遲早嫁出去，都無樓主既事啦，好 ...

其實我同細佬年紀唔算好大, 未去到會成家立室既地步

同埋佢同佢女朋友只係一齊左4,5個月

唔係d咩好特別穩陣既關係, 佢係唔係娶呢個女仔都係未知之數

就算我嫁左出去, 媽媽永遠都係屋企, 細佬一日未結婚, 果個都未係佢老婆

唔鐘意有外人係屋企, 其實呢種感受好正常吧? 點解會係食古不化呢?

個女仔最初上黎食飯, 我係好歡迎, 仲會因為佢黎食飯煮多兩味送 (屋企通常我煮)

我並唔計較食唔食屋企錢既問題

而係我媽媽有少少精神病, 開到聲, 佢都仲要扮傻

仲要擺一d從來都唔會出現既物品係我屋企廁所

如果係你地, 你地一d感受都冇?

最後, 我只係想總結, 我係已經默許左同細佬一齊呃媽咪

連我都要扮傻扮佢唔係度, 媽咪先會唔知!

試問我又有d咩唔識做呢?

只係我潛意識好憎佢地